السسلام عليكم ورحمةة الله وبركاتهه
صباحكم مساءءكم فل ~
كيفكم ؟! يارب بخير
من زمان عن هالقسم ومن زمان ماسويت اي موضوع
بس اليوم قررت انفض غبار الكسل واشاركككم بموضوع من مجهودي :095:
طبعا كلنا نعرف ان البنات وايد يعانون من مشاكل مختلفه بالبشره واليوم من ضمن المشاكل اللي حبيت اكتب عنها وافيدكم طريقتي بالعنايه بالمنطقه الخلفيه والمحافظه عليها من السواد والخشونه والحبوب الصور بعضها من تصويري وبعضها من النت
سبب ظهور الحب لها عده اسباب
لبس الملابس الضيقه مثل البناطيل والملابس الداخليه هم تكون ضيقه ومو قطنيه زي البلوستير والنايلون والدانتيل
كثره الدهون المتراكمه بهذي المنطقه
الجلوس لفترات طويله على الكرسي ويكون غير مريح
والجلوس على الارض
قله الحركه والتمارين الرياضيه وفيه تمارين خاصه لهذي المنطقه باليوتيوب تقدرون تلاقونها باليوتيوب :thumbs_up:
عدم تنشيف المنطقه واهمالها بالعنايه
اول شي لازم مايكون جسمنا جاف لازم نشرب 8 اكواب ماي يوميا
نستخدم السنفره الجافه او السنفره السويديه وهي سنفره الجسسم وهو ناشف بهذي الفرشاه تلقونها ببودي شوب وذلك بتدليك الجسم من تحت لفووق وبحركات دائريه فايدتها تفيد بازاله الجلد الميت والسترتش مارك والسولايت وفيه الاخت اينانا كتبت موضوع منفصل عن السنفره الجافه وفواسدها تقدرون ايضا تطلون على الموضوع
ثاني استخدام صابونه لاتحتوي على مواد عطريه ومن افضل الصابونات للحبوب صابونه الكبريت
مسح المنطقه يوميا بالاسكينول
ترطيب المنطقه يوميا وتنشفيها وانا استخدم زيت الورد زيت الجلسرين وزيت اللوز المر او زيت بايو اويل او بيبي اويل وهم تقدرون تستخدمون زبده الكاكاو من فازليين وزبده الشيا مضاف اليه زيت اللوز
تقشير المنطقه مرتين بالاسبوع باستخدام اي مقشر ترتاحين له ملح الحليب يوكو سبا او سنفره كريم كاب من نزيه او مقشر المشمش من سانت ايفز وذلك بتبلليل الجسم بماي دافي وناخذ كميه من المقشر ونفركه بحركات دائريه باستخدام ليفه القفاز من ذا بودي شوب
وكل ماسوي حمام مغربي مانساها من الحمام
يوميا قبل النوم لا تلبسون ملابس داخليه بس السروال وغسل المنطقه بصابونه الكبريت وتجففيها باستخدام فوطه ناعمه ودهنها بكريم فيوسيدين فقط للي يعانون من حبوب يدهنونها بهذا الكريم الكريم موجود بكل الصيدليات وامن
وفيه شي اكيد كلكم تعرفونه المر موجود بكل حواي وببكل عطار خذي لج بحجم قبضه اليد ونقعيها بماي وخليها لين تذوب وصفيها وحطيها ببخاخ او باستخدام قطنه وامسحي المنطقه روعه تشد وتصفي من الحبوب استخدمها مرتين بالاسبوع بعد ماغسل المنطقه وانشفها وبعدها ارطبها واكرر لازم لازم ترطبونها 
ولتبيض المنطقه انا استخدم كريم ddf fade gel 4 skin lightening gel تلاقونه بالصيدليات الكبار ولازم بعد مايجف هالكريم احط كريم بيبانثنن الازرق :thumbs_up: على منطقه نظيف وجافه واستخدمه 3 مرات بالاسبوع
وان شاء الله افدتكم يارب اي سؤال لا ترددون بنات انا تعبت بالموضوع ماحلل اي وحده تنقله وتنسبه لنفسها 8o|
