الوسم: الملك

وش اقول وش أسوي

من وين ابد ومن وين احكي

للحين مني مصدقه هو صدق هو حقيقة ولا خيال

راح اقول السالفة وانتو أحكم

اليوم رجلي

قلي وش رأيك وردة نروح للملك اليوم

وقدمي عليه معروضك

قلت منجدك انت ولا تستهبل علي

قال متى انا استهبلت عليك

بنات انا بغيت انجلط

بغى عقلي يفتر مني

ريقي نشف

الصيحة خنقتني

و أرتبكت ما عرفت وش اخلي وش أقول في معروضي

قلت اكثر في طلباتي ولا أخففها !!!!!!

ماعرفت قلت أجهز الى أقدر عليه

و يا قلبي زوجي

استعجلني الله يهديه << قولو امين

فما قدرت الملم نفسي

ورحت تزينت

ولبست أجد عبايه عندي

وقلت في نفسي
مو حرام اعدم العبايه الجديدة توني شاريتها صدق مو مزخرفه ولا ذاك الشي ولا فيها زود لكن جديده

الا صحيت نفسي وقلت وااااااي منك

يحبك لخرقلتك وخنبقة نفسك انتي داخله على الملك وتقولين حرام اعدم عباتي الجدية من جد تموتي بالخنبقة

و لبسة عباتي و شراريبي

ورحت لزوجي وانا مو مصدقه اني بروح للملك

و أقدم معااااااااااااااااااااااريضي ياكثرها كثرااااااااه
ومشينا انا وزوجي
ووصلنا والحمد لله
والا اشووووووووووووف

ذاك القصر الى ابوابه مفتحه من كل حد وصوب

واول ما ادخل والا هذيك الريح الى تخنق من كثر قوة العود الي مبخرين فيه

والا ياكثر الحريم بصراحة انفجعت وخفت وقلت هين معروضي راح يوصل للملك راح يوصل ولو بالمذابح

و ألا تصفينا صفوف

وألا سجدت

أيه سجدت اجل لمين أسجد

ايه انا كنت ريحه لملك الملوك

ودخلت عليه

ولما خلص الامام الصلاة والتراويح في رمضان

سجدت في قصره

وقلت ربي يا ملك الملوك دخلت عليك في بيتك فاني اعلم انك أكرم من خلقك ولك المثل الأعلى فالبدوي ان دخل عليه احد و أستجارة ببيته راح يعطيه أمانه وعرضه ودمه وكل ما يملكه البدوي

و انا متأكدة انك اكرم واعظم فلك المثل الاعلى وانا راجيتك و ناخيتك و مستجيرتك ان تحرم جلدي وجلد امي وابي وزوجي واولادي من النار

ولكل من أدعو له وتستجيب كل دعائي وكل ما دعيتك بة الذي اذكره والذي نسيته فانت تعلمه أكثر مني وكل من سالني فيك الدعاء وكل من وعدته بالدعاء وكل من سيرفع موضوعي هذا الى يوم الدين انت تعلمهم وانا لا أعلمهم ان تجيب دعواهم وكل ما تمنوه منك فيما انت تحبه وترضاه وان تكتب لنا كل الخير الذي سالك به سيدي محمد صلى الله عليه وسلم و ستعيذك من كل شر اتسعاذ بك منه حبيبك ورسولك سيدي محمد صلى الله عليه وسلم اللهم لك الحمد حتى كمال رضاك و الصلاة والسلام على سيدنا محمد وعلى اله وصحبه أجمعين

دعوه دعتها وراح ادعيها ان ربي كتب لي عمر وبحوله وقوته قول امين

الى ابيه مو رفع الموضوع

الى ابيه ان تدركون عظمة سجودكم في بيت الله

وانه مهم يفرق عن بيتك بمراحل

وان تتكلم معه ناخينة و راجينة

انسو الامام والفراش والمصلين و أنهم مو عجبكم ولا الى في المسجد انسوووووووووووهم

و تذكر أنكم داخلين بيت الله وراح تمرغون وجهكم له

ولا تنسون أنكم داخلين على ملك الملوك وعلى أكرم الأكرمين

ارفعي الموضوع بدعوه لخويتكم الفقيره لله

وعسى ربي يقبل دعوتي وتكوني معنا فيها والله عالم في قبولها او رفضها

لكن الكريم مراح يرد احد

دعواااااااااااااااااااااااااتك م
((موضوع اعجبني فنقلته لكمF: