السلام عليكم ورحمة الله وبركاته
بنت عذاري العزيزة موضوع خاص للاستفسار منك حبيبتي وارجوك بحرارة لو تم نقل هالموضوع تكفين عطيني خبر ماعليك امر ، الموضوع باختصار غير شديد بغيت اصنع خلطة تقوية منابت الشعر المحتوية على الزنجبيل وزيت السمسم ، بشرت الزنجبيل ووضعته بالخلاطة عيت الخلاطة تتحرك قلت احط شوي من مقادير زيت السمسم المكونة من كوب ونص كما ذكر وفعلا صبيت بالخلاطة عيت تشتغل صبيت لحد ماخلصت الكوبين ونصف بالخلاطة واستوى عندي خليط عبارة عن شبه خليط الكيكة وصبيته بعد اسف وحسرات بقوطي نايلون حق الرهش سابقا وخليته بالشمس وللآن ماني عارفة شلون بدهن راسي بهالعجينة . ارجو ردك بنت عذاري على بلوتي الي طيحت نفسي فيها ، وهذي اول مرة اجرب اسوي خلطة من المنتدى وبردك الي اتمنى يكون فيه تشجيع حتى ماتكون المرة الأخيرة الي اجرب فيها اصنع شي .:SOFA:
ههههههه ابا اعرف يقولوا مشكوره ع شنو ؟!
البنت تبي حد يساعدها ..
والله هالخلطة اول مره اسمعها منج حياتي ..
و كان ودي افيدج ..
بس ان شاء الله البنات بيفدينج
اخواتي الظاهر انكم مو فاهمين قصدي وأشكركم على المرور الطيب
اي والله اختي ابتسامة صج خليتيني ابتسم محد راضي يفهمني الظاهر مجرد اثبات وجود ومنو الأسبق وانا كان قصدي خلطة تقوية منابت الشعر وتحفيز نموه لبنت عذاري
مساء القشطه ومربى التوت .. !
والله مدري عن هالخلطة اي شي
بس ان شاء الله تفيدج بنت عذاري
بعد عمري ابتسامة صرنا كنا بشات
اولا احب اوضح للاعضاء شيء مهم وهو ياريت نقرأ مشاركات بعضنا جيدا
حتى نفهم وبالتالي ممكن نساعد اي اخت محتاجه لنصيحتنا ورأينا
ومش مجرد الرد للرد واضافة المشاركات بلا تركيز على محتوى الموضوع
واعتذر اختي انوار:flower:
عموما حبيبتي طريقة الزنجبيل هي البشر بمبشرة الجبن
وهذي الطريقه تساعدك في تجنب الالياف الخشنه وبعدها تصير النتيجه عصير كثيف من الزنجبيل
وبعد ان ننتهي من البشر نضيفه للزيت بالخلاط وهنا بتلاحظين ان الناتج زيت مخلوط بعصير كثيف للزنجبيل
واذا ترك فتره ينقسم لجزئين جزء البشر وجزء الزيت ومايصير عجينه ثقيله مثل وصفك
عموما استخدمي اللي تكون عندك بلا خوف لان اعتقد زيدتي الزنجبيل وما انعصر بطريقة جيده
ولكن الاهم مايكون بعلبتك رهش :SOFA:
وبعد الثلاث ايام تاكدي ان الزيت استخلص فوائد الزنجبيل واكيد بتكون له نتيجه رائعه
استخدميه عادي حتى لو غليظ وبشرينا
وربي يحفظك:flower:
…
الله يحفظك ويسلمك ويخليك يابعد عمري انطر ردك على نار جبرتي بخاطري الله يرحم والديك ويسكن ابوك الجنة آمين ولاتخافين علبتي مافيها رهش بس الخلطة وحاطتها بالدريشة برة حتى تضربها الشمس كل يوم الى مساء يوم الجمعة بحط منها على شعري واخبرك ، انا بس مشكلتي اني لماقريت جملة حطيه بالخلاط واعصريه ما انتبهت على اعصريه كان ماحصل وياي الي صار وتدرين البيت فيه سبالتين مو بوحدة والعقل يفتر يمين وشمال لا بد ماتطلع نفس هنتايج ورب البيت كريم .
ويطول عشان اعرف اشيله بالحلاوة 