الوسم: with

صارلي كم من يوم وانا افكر بموضوع انزله لان الصراحه وايد استفدت من موقع عروس وحابه انزل شي يفيد العضوات مثل ما استفدنا من مواضيعهم.. وبما ان عشقي الاكبر فالمكياج هو الارواج فقلت بنزل موضوع عن مجموعتي الي بس من ماك باسمائهم وصورهم وشكلهم عاليد بعد عشان اذا عيبكم لون تقدرون نعرفون كيف شكله بالاستخدام..

وحابه اقولكم اني ذوقي صعب جدا يعني مو اي لون يعيبني ومجموعتي اخترتها بعد ما جربتهم ع شفايفي فالمحل واقتنعت فيهم ومو ندمانه على اي روج اشتريته… طبعا الحين في بنات بيقولون كيف تجربينه وتضمنين ان الروج نظيف لانه تستر والف غيرج جربوه قبلج برد عليكم واقول اني دايما اطلب من الي يشتغلون انهم ينظفونه لي ويعقمونه جدامي لحد ما اطمن يعني الروج يتنظف عدل والطبقه الي فوق تنشال اشوي وفي معظم الاحيان اطلب منهم يطلعون تستر يديد اذا كان الروج مستهلك وايد وما يقصرون ويطلعون لي واحد يديد واكون اول وحده اجربه لووووول… ما فيها شي ترانا كستمر وطايحين عندهم وهذا اقل شي يسونه…

واظني الاغلبيه اذا مب الكل يعرفون ان الارواج في منها انواع يعني يمكن تحصلين روجين بنفس اللون بالضبط يوم تحطينه تشوفين ان الوانهم تختلف لان نوعهم يتحكم بقوة اللون ولمعته وهالشي يخليني احب بعض الالوان لانها مات وتكون واضحه ومطفيه وبعضهم افضلهم لانهم لستر ويكونون ناعمين وفيهم لمعه.

حاولت ان ابتدي بالارواج الدايمه واقصد الي ممكن تحصلونها اي وقت يعني مش لمتد وبعدين الارواج اللمتد الي خذتهم من كولكشنز مختلفين وممكن يردون ينزلزنهم في كولكشنات يايه.

Angel
Frost

لونه وردي فااااتح ع بيج

Impassioned
Amplified Creme

لونه فوشي رهيب

Hug Me
Lustre

لونه طبيعي ع وردي ويعطي الشفايف لون نيشورال بطريقه حلوه ع لمعه خفيفه لان نوعه ليستر فيكون اشوي ياي ع قلوسي

Buoy – O- Buoy
Lustre

يشبه اللون الي فوقه بس لونه اشوي اقوى وتقدرون تشوفون الفرق فالصوره الي تحت

والالوان الثلاثه الي تحت هم احلى الالوان عندي والي ما استغنى عنهم

Kinda Sexy
Matte

لونه وردي طبيعي واحبه لانه مات ويبين عدل

See Sheer
Lustre

لونه وردي واشوي ع بطيخي ولونه ويعيبني لان لونه خفيف

Fast Play
Amplified Creme

لونه وردي طبيعي بس بنفس الوقت لونه قوي وناعم ع الشفايف

قبل كم من شهر نزلت مجموعه الوان يديده بنوع يديد بقوام كريمي الي هو

Cremesheen

وجربتهم كلهم فالمحل وفالنهايه استقريت ع ثلات الوان

Crosswires

Fanfare

واااايد احب هاللون ويتني فتره علقت عليه لونه وردي يبين عدل بس اللون هادي

Ravishing

اي لون يكون فيه وصف كورال احبه خاصة اذا كان فاتح ولونه اشوي ياي ع برتغالي بس فاتح يعني باختصار اللون عجيييييب

يتبع

لحد يرد

وعندي روجين من كولكشن Euristocrats من السنه الي طافت وكانوا مسمين الارواج باسماء مدن ودول اوروبا وكان في لون ثالث فخاطري اسمه Costa Chic و ما لقيته فوقتها بس الحين منزلين الكولكشن مره ثانيه وان شاء الله آخذه اذا لحقت عليه اما الارواج الي خذتها فهي

London Life
Lustre

نوعه لستر وبنفس الوقت شير يعني اللون مش مثل ما هو مبين.. لون التوت وفيه لمعه وافتح من الصوره بوايد

Going Dutch
Frost

هاللون مش موجود فالكولكشن الي توه نزل مع ان لونه روووعه من احلى درجات اللون الوردي الي عندي

Russian Red
Matte

منوه ما يعرف هالروج؟! معظم البنات عندهم هالروج.. لونه احمر بمعنى الكلمه وما اتجرأ احطه الا فالمناسبات

مثل ما خبرتكم ما اتجرأ احط هالالوان وايد فما اقرب صوبهم فالمحل يوم اتنقى روج لانه يلفت الانتباه يعني ما يناسب الدوام والطلعات العاديه وعندي لونين غيره من كولكشن الهوليدي

Adore It
Glaze

Racy
Frost

ومن نفس الكولكشن الدرجات الورديه

Romanc In
LUSTRE

To Swoon For
Glaze

ومن كولكشن الصيف الي طاف روجين كل واحد احلى من الثاني

Sci-Fi-Delity
Frost

ما اعرف اوصف لونه بس لونه عجييييب ياي ع احمر محروق

Electro
Lustre

لون برتغالي خطييييير

وروج بعد من كولكشن من السنه الي طافت

Soft Pout

لونه ما يناسبني والروج الوحيد الي خذته من دون ما اجربه بس حبيت الباكينغ وكنت باخذ اي شي

لونه بيج وانا ما احب الوان البيج ما يناسبوني لونهم باهت علي

استخدمه اذا ابى افتح لون روج ثاني يعني ممكن استفيد منه بطريقه ثانيه ومثال على هالشي روج الكترو البرتغالي احسه وايد فلاشي فاحيانا اخلطهم ببعض والنتيجه لون افتح اشوي وحبيت اوضحلكم فالصوره الي تحت

يتبع

لحد برد

Kiss Manish
Frost

ما ادري اذا تشوفونه بنفس الطريقه بس بالنسبه لي لونه احمر ع بطيخي

والروج الوردي العجيب

Hollywood Nights
Satin

لونه وردي جريء

لاحظت ان في حد لاعب فيه يوم ييت اصوره وصدق زعلت عليه جنه حد ضارب واحد من عيالي 😡 اكيد بنت اختي كانت فبيتنا من يومين واكيد جذبها لونه البنكوشي 😉

والحين دور الفيفا

Viva Glam V
Lustre

Viva Glam VI
Lustre

ومعروف ان الوانها تكون طبيعيه ع بينك

وهاذي باليت لارواج الفيفا من كولكشن الهوليدي

توني اليوم وانا اصور اكتشفت ان الوان الباليت هي نفس الوان الارواج الي عندي لوووول لاني ما استخدمتهم الا اليوم عشان اراويكم الالوان وبعد ما خلصت اصور لاحظت انهم نفس الشي وتاكدت من الاسماء

وروج واحد من
Slimshine

Gaily

كان لمتد هاللون ولونه وايد حلو ع لمعه جذابه

وآخر شي طبعا لازم نهتم بجمال شفايفنا بتنطيفهم من المكياج وتقشيرهم من فتره لفتره وترطيبهم الدائم

وهذا مقشر الشفايف ومرطب يعطي لون خفيف

Lip Conditioner Stick

وهالمرطب احلى من الاول لونه فاتح وياي اشوي ع قلوسي

Tendertone Lip Balm SPF 12

Hot ‘N’ Saucy

الفراشي الي استخدمها يوم اخلط اكثر من لون او يوم امكيج وحده من خواتي او ربيعاتي

في وايد الوان معروفه وجربتهم بس ما حبيتهم مثل
Girl about town & Chatter box

وفي روج حاطتنه فبالي يوم بسير المره اليايه اجربه وهو
Vegas Volt
لونه كورال وهالالوان تجذبني و ان شاء الله اخبركم تجربتي وياه

اتمنى ان موضوعي عيبكم.. يومين وانا اجهز فيه وكنت فالبدايه بحط الموضوع عن ارواجي كلهم من ماك ومن الماركات الثانيه بس يوم شفت انه ياخذ وقت قلت ان شاء الله اسويه ع جزئين اذا عيبكم الجزء الاول

ع فكره عندي روج من هلو كيتي بعدني ما استخدمته بس ما ادري وين حطيته وتذكرت من اشوي بس ما بأخر الموضوع عشانه

ودعواتكم يا عرايس

ملاحظه: الموضوع جهد شخصي وحصري لعروس ولا احلل نقله