لا اله الا الله
ولا حول ولا قوة الا بالله
تفضلوا المكدوس الطري وطريقته السهله
المكدوس :
كيلو باذنجان عصافيري ( الهندي او انتاج قطر )
كوب جوز مجروش
4 حبات فلفل احمر المتوسط
3 فصوص ثوم مدقوقه
ملح وفلفل اسود
كميه من الملح اضافيه للكدس
الطريقه :
* تقطعين راس الباذنجان بايدج الراس فقط وبعدين تعملين شق طولي في الحبه وتغلينهم لمده ساعه او لين يلين الباذنجان .
* تتركينه يبرد وبعدين تاخذين الملح وتفركينه من برا ومن داخل الشق
* تجيبين غتره نظيفه ومشخاله وجدر بحجم المشخاله
* تحطين الجدر وتركبين المشخال فيها ( مشخال المكرونه ) بحيث تكون حوافه داخل الجدر وتفرشين الغتره داخل المشخال وتصفين الباذنجان مثل ورق العنب وتسكرين الغتره عليها وتحطين عليه صحن وفوقه ثقل كبير ( مثلا غرشه زجاج مليانه ماي )
* تتركينه 3 ليالي بالظبط
* تاخذين كل حبه وتحشينها بالخلطه السابقه وتصفينها في غرشه وتعصير عليها ليمون كم نقطه بس وتغمرينها بالزيت .
* المفروض انج تتركينها 20 ليله في الخزنه بس احنا ثاني يوم ناكلها وتطلع لذيذه فما ادري شلون درجه اللذه عقب عشرين يوم هههه
* ممكن تضيفين للخلطه جنه مالحه او جزر
طريقتك بالمكدوس صحيحة بس المكدوس أذا ما حطيتية بمرطبان وعبيتي عليه زيت زيتون وتركتيه شي عشرة أيام فما فوق ..عشان تتشرب المكدوسة بالزيت وخدي على طعمة ولا أحلى عنا بالشام بنمونه نعمل كمية كبيرة ونقعد طول الشتوية ناكل من المونة بأشكالها ومن ظمنها المكدوس بس على قد ما منحب المكدوس بياكلوه الاولاد عندي قبل ما يتشرب بالزيت متلكم :87457:يسلمو ايديكي حبيبتي
على المكدوس اللذيذ
ويعطيكي العافيه
ماشاءالله طبق شهي
يعطيك العافية على الوصفة
الله يحفظك
شكلي خلاص بسويه بروحي …من بعد ما قريت الموضوع
تسلم الايادي و على الشرح المبسط و الوافي
