مرحبا بنات ،
شلونكم يا رب طيبين 
،
فكرة موضوعي اقتبستها من المواقع الأجنبية ومن كليبات الفيديو اللي بموقع يوتيوب ،
فيه بنات وخبيرات تجميل بين كل فترة وفترة يحطون لهم Favorites listتكون شهرية ،
وتكون شاملة كل المنتجات التجميل ، سواء كانت ميك أب أو عناية بالبشرة أو عناية بالشعر ،
وبما إن قسمنا خاص بالميك أب ، راح أحصر قائمتي المفضلة على الميك أب بس ،
امممممم هالمنتجات اللي أعرضها عليكم الحين ، صار لي فترة أستخدمها
أساس شيسيدو ، كلمة " رائع " شوي عليه ،
يعطي كوفر حلو ، وبنفس الوقت ملمسه ع البشرة جدا رائع ،
ما يبهت ولا يتكتل ولا يتقطع بعد فترة ، حتى بدون بيس أو فكس أو شي ثاني ،
جربته بطلعاتي السريعة ، يتوزع بسرعة وما ياخذ وقت بالتوزيه ، سواء بالاسفنج أو حتى بالبرش ،
أما البودرات ، ف جورجيو أرماني الكومباكت ، وكانيبو اللوس باودر ،
لأنهم يعطون مظهر طبيعي ،
طبعاً أنا أتكلم عن ميك أب الطلعات العادية والتسيورات ،
كونسيلر كريولان ، مع إني شاريته من فترة ، بس ما استخدمته إلا من جم يوم ،
وبصراحة رائع ، للكونتورينغ ، للهالايت ، لتغطية بعض آثار الحبوب قبل الأساس ،
خصوصًا تحت العين ، رائع بكل ما تحمله الكلمة من معنى ،
أرواجي وجلوساتي اللي هابة فيهم هالفترة ،
أحب مظهر الشفاة النيود الطبيعي ، ما أحب التكلف بالألوان الروج أبد ، إلا في المناسبات أو الطلعات الخاصة ،
أما في الأيام العادية والطلعات العادية ، أحب الشفاة تكون طبيعية ،
أحلى جلوساتي واللي فعلا هابة فيه هالفترة ، جلوس دييغو رقم 80 جدا جدا رائع
وجلوسات أرتديكو يعطون مظهر الماي ع الشفاة ،
وروجين من دييغو ومن ريفلون ،
اللي من ريفلون يصلح لهالوقت ، لونه شتوي حلوووو ، وبنفس الوقت ثابت ،
حتى لما أحطه يسإلوني عنه ،
أما روج دييغو فهو جلوسي ، يعطي لون حلو وشفاف ع الشفاة ،
زووووم على حمرة دييغو ، علشان يبان لونها ،
أما البلاشرات ، فهابة ببلاشر ماك ،
هذا ميزته يعطي لمعة حلوة وإشراقه للبشرة ، مجرد لمسة منه تعطي لون حلو وبنفس الوقت نضارة ،
بالنسبة للكحل ، ما فيه أحلى من بنفيت ، لونه أسوددددد وبنفس الوقت انسيابي ،
واللي أحلى منه هو كحل ستيلا ، إن شاء الله أشتريه عن قريب ،
قبل فترة دورته بسيفورا دبي مول ما لقيته ، قالولي خالص ،
وإن شاء الله أحصله بسيفورا الكويت ،
أما هذا المنتج ف عجييييييييييييييييييييييب ،
استخداماته كثيرة وعديدة ، ممكن ك كحل داخل العين لتوسيع العين الصغيرة ويعطيها إيكلا حلووو ،
أو ممكن استخدامه داخل زاوية العين ، يعطي إشراقة وإيفيكت حلووو ،
أو تحت لمنطقة تحت الحاجب ، أو عند زاوية العين الخارجية لإبراز منطقة الشادوو ،
هالشادوووووووووو واااو ولونه واااو ،
حبيت اللون الرمادي وبقوة ، بس للأمانة لون ديور أحلى وينفع بكل الأوقات ،
بعكس لون ميك أب فاكتوري ، لأن جليتري فيه جليتر قوي ينفع للمناسبات والطلعات الخاصة
بس كلهم حلوين ، وألوانهم أحلى وأحلى
و
وأخيرا مع صبغ الأظافر ، هابة بالألوان هذه وبقوة ،
أحب اللون الغامج على الإيد ، يبرز لونها ،
كذلك أحب اللون الفاتح الطبيعي ،
صبغ أظافر شانيل خصوصا هاللون فتاك يا بنات :032:
و
فيه شغلات ما حطيتها لكم مثل العطور ، بس إن شاء الله أحطها لكم باللستة الجاية 
،
سووووري ،، نسيت البرش ،
طبعا الكابوكي من ماك + فرشاة الأساس الكبيرة من فور إيفر + 217 من ماك ،
هذول اللي دايم أستخدمهم ،
الكابوكي جدا رائعة لتوزيع الباودر ، وتوزعه عدل مدل ، أو للتخلص من باقي الباودر خصوصا اللوس باودر ،
حتى من حلاة فرشاة الكابوكي ، رحت شريت كابوكي فور إيفر ، بس ليما الحين ما جربتها ،
وشوفوا الفرق بين فرشاة أساس فور إيفر وبين فرشاة أساس ماك ،
وأحلى ماسكرتين قاعدة أستخدمهم بالفترة الحالية ع الأقل ،
بلاك أوت من ديور + الصفرا من ميبلين ،
أثنيناتهم مع بعض يعطون نتيجة خطيرة خطيرة خطيرة ،
وبسسس سلامتكم
،
وبحاول اجرب المسكارا الصفرا …
وان شالله تتهنين ابهن…
وتسلميين ..
طرحك مميز
وموضعك قيم
همني اعرف رأيك بالماسكرا
كما ان اختيارك للمناكير بيجنن
يعطيك العافية
لك ودي مع تقييم ههههه ^^
طرح راااائع وبصراحة ماستغرب عليج هالموواااضيع
.. واحب طريقة عرضج للاشياء الفيفريت .. حبيت المناكيرررر وااايد
.. وطبعا كل اللي عرضتيه حبيته .. يسلموووو حبيبتي على هالطرح الراااااااائع مثل صاااااحبته ..
حبيت أسألك وش رأيك أساس جورجيو أرمانى؟؟؟؟؟
بس من فترة سويت كيكة البرتقال اللي معتمدتها وطلع طعمها مالح لدرجة لايمكن تاكلينها 
قلت يمكن غلطت وحطيت بدل البيكينج باودر بيكنج صودا …. وبعدها بكم يوم سويت عجينة العشر دقايق وهذي انا اسويها دايما وتنجح عندي الا هل المره طلعت لينه وسايحة ومالحة نفس الطعم اللي في الكيكة فشكيت في الطحين …. بنات حدمنكم صار لها مثلي وحست ان الطحين متغير ولا تتوقعون ان المشكلة في شيء ثاني ؟؟؟ ياريت اللي عندها فكرة ترد علي.. وجزاكم الله خيرا 