بعد السلام والتحيه
يالله والله الي بتفيدني لدعيلها قد لي جم ساعه ابحث في النت مالقيت رد للي محيرني
المهم فكررررررررررررررررررررررررررت ان مالي بعد الله الاخوياتي
لان ماعندي اخت اكبر مني اقدر اسالها (ماصدقت لقت حد عاطنها ويه عشان تفل قصة حياتها )
الزبده عشان ماطول عليكن
اريد افضل طريقه (بالتفصيل الممل ) لطبخ الذبايح مع الرز طبعا
او على قولة خواتنا السعوديات المفطح تدرون ليش لاني متزوجه قريب
وطباخ اهل زوجي غبي يفشل وزوجي يشتكي لي دايم من طبخه في العزايم
وانا بعد اشكي له فيقولي ليش ماتعلمينه (وانا عاد قاصه عليه اني اعرف كل شي)
وكله اتحجج انه ماراح يفهم حتي لوطبخت ووريته
فالحين اتمنى منكم ماتنسون اخويتكم من النصيحه اللي ماراح انساها
والله ماتوقعتها منكم
انا عمري مااسوويت مفطحات ولااخرفاان .. مااني قدهاا صراااااااااااحه ابد ..
يمكن في المستقبل البعيييييييد مرره
يالله انشالله البنات يساااعدووش .. بس اذا تبغي طريقه مندي .. بعطيش ..
تحياتي
الله ينولج اللي فبالج يارب
عزيزتي دهن العود
انا مره سويت قوزي حق رفيجاتي بس مو طبيعي وصدقيني ما يبيله شئ بس لازم تكونين تعرفين تسوين الرز واللحم سالفته هينه المهم ما اطول عليج
أول شئ تنقعين زعفران بماي الورد يعني مقدار استكانه شاي وتخلينه على جنب .
بعدين تغسلين الخروف ونظفينه عدل وتحطينه بالجدر ولازم الجدر يكون كبير يعني ياخذ الخروف كامل ويكون راهي شوي و صبي عليه ماي نص الجدر ويغطي الخروف بالكامل.
قصي الطماط يعني مقدار 8 طماطات ارباع وحطي ثوم وبصل كاملين بس قشريهم وغسليهم نفس كمية الطماط او اكثر عادي ما يضر .
حطي بهارات اللحم ( اعواد دارسين – هيل – مسمار – ورق غار – كمون ناعم – كركم ناعم – ملح – لومي – زعفران ) وغطي الجدر.
جهزي الرز وغسليه ونقعيه بالماي وحطيه على جنب.
اذا تحبين تحطين حشوة تزينيين فيه الرز طبعا الحشوة تكون من الخروف ( الكبده والقلب) تقطعينهم صغار مثل السلطة وتغسلينهم وتحطينهم بجدر صغير وماي يغطيه شوي بس وخليه يغلي بس تستوي الكبده وجهزي بصل يقطع بالطول وثوم ناعم مع قليل من الزيت ويحمس على النار ثم نضع صنوبر وزبيب و لوز وعين الجمل اذا حبيتي ثم نضع الكبده ونحمسهم مع بعض ونحط بهارات عليهم ملح و لومي وبهار وفلفل اسود وقليل من الهيل الناعم ونخفض النار عليهم .
اللحين نشوف الخروف شنو صار فيه اذا استوة ولا لأ عن طريق تقطعين اللحم بايدك اذا طلع معاج يعني استوه جهزي صينيه الفرن وادهنيها بالسمن وحطي الخروف عليها ثم جيبي السمن ودهني الخروف بالكامل ثم امسحيه بقليل من صبغة الزعفران علشان يعطي الخروف لون اصفر حلووو ثم دخليه الفرن حتى يتحمر من الجانبين.
اللحين الرز نضع جدر جديد ونضع فيه ماي اللحم بعد ما نصفيه من الطماط والبصل .. طبعا الماي نقيسة حسب كمية الرز ولما يقرب الرز يستوي نصب فوقه ماء الورد والزعفران وقليل من الهيل الناعم المطحون وقليل من السمن ونغلق الجدر جيدا ونخفض النار عليه حتى يتخدر الرز .
التقديم نقلب الرز جيدا ثم نضعه بالصينية ثم نضع الخروف ونزينه بالحشوة والليمون المقطع ونرش عليه بقدونس ناعم .
وبالعافية مقدما وانشا الله تعجبك طريقتي
والله ان ردج فرررررررررررررررررررحني وايد يعل ربي يوفقج ويسعدج في حياتج وينولج كل اللي في بالج آمين يارب
تدرين اهي تقريبا نفس طريقتنا بس تدرين شو المشكله
ان الرز يطلع وايد شارب ماي ومتكسررررررررررررررر
يعني اريد الطريقه بالضبط
واريد منج بعد خلطات وحمسات توضع فوق الرز
صديقيني ماتدرين وشو مقدر فرحتي على ردج لي بعد ان ايأست من ان يرد علي حد
وسامحيني علي كثر اسالتي و الاطاله ومشكوره الغاليه
بالنسبة للرز شوفي احسن شي علشان ما يتكسر لا تزيدين الماي يعني لما تحطين الرز شوفي كمية الماي عن طريق وضع ملعقة بالنص بالطول اذا اثبتت الملعقة يعني شغلج اوكي اذا ما اثبتت طاحت الملعقة بالجدر طبعا بعد ما تدورين عليها و تطلعينها خففي من كمية الماي وكل 5 دقايق افتحي الجدر وشوفي الرز باليد اذا جهز او يحتاج بعد ماي ضيفيله عادي اوكي او احسن شئ سوي الرز مشخول يعني خلي الماي لما يغلي طبعا عادي كمية الماي ما تضر اذا كانت زايده المهم وضيفي الرز وخليه 5 دقايق وشوفيه اذا كانت حبة الرز قاسية يعني يبيلة بعد واذا كانت مستوية زياده يعني رزك اخترب خليه وسط نص مستوي ونص قاسي وبعدين حطي المشخال او الشبك وصفي الرز من الماي وبعدين رجعي الرز للجدر وغطيه عدل واتركيه يتخدر عن طريق البخار.
انشا الله فهمتي طريقتي واتمنى اني اكون وصلتلج اللي تبينه انشا الله
المهم بالنسبة للحشوات
أولا: حشوة البصل والزبيب
تقطعين بصل بالطول وتضعينه بالمقلى بدون زيت حتى يذبل ثم رشي علية قليل من الماي حتى يصبح لونة ذهبي بعدين ضيفي الصنوبر والزبيب او بس زبيب وضيفي عليه قليل من الفلفل الاسود وبعدين قلبي الحشوة وبس وزيني الرز فيها .
ثانيا: حشوة العدس المجروش
العدس المجروس مو عدس الشوربة لا الحشوة في لونه اصفر على بيج وفي نوع لونة اخضر غامق على اسود (عدس مجروش اسمر)
المهم تغسلين العدس ثم تغلينه على النار بماي حتى يستوي وتصفينه من الماي ويترك جانبا.
تقطعين بصل بالطول وتحمسينه بالزيت او الزبده حتى يصبح لونه ذهبي ثم تضعين الزبيب والصنوبر واللوز والجوز ثم تضعين العدس المجروش المغلي ويقلب على النار جيدا ثم تضعين علية الملح واللومي الناعم والفلفل الاسود وقليل من الهيل الناعم وبس وتزينين الرز فيه .
تقدرين انا مسويه رجيم وميته الحين مشتهية مجبوس دجاج واااااااااااي انتي تعذبيني جذيه
بس بالعافية واي شي تبين تعرفينه وكنت اعرفه مراح ابخل في عليج وشكراااااااا عادي مثل ما قلت حاضرين للحلويين لا تستحين طلبي اللي تبينه
ماندرين وشقد ادعيلج والله انج هوب هينه هههههههههههههههههههههها عليج بالعافيه
الله يوفقج دنيا واخره يارب
والله قسم الطبخ مايقصرررررررررررررررررررررررررر
واذا عندج استفسار ماراح نقصرررررررررررررررررررر(اونها معلمه في الطبخ )
ولاراح يقصررررررن الخوات